| Carmen 9 (in Latin by Catullus) |
|
| |
| Available in
Latin,
Brazilian Port.,
Catalan,
Chinese,
Croatian,
Danish,
Dutch,
English,
Finnish,
French,
German,
Hungarian,
Irish,
Italian,
Polish,
Romanian,
Scanned,
Serbian,
Spanish, and
Turkish. Compare two languages here.
|
|
| |
Verani, omnibus e meis amicis
antistans mihi millibus trecentis,
venistine domum ad tuos penates
fratresque unanimos anumque matrem?
Venisti. O mihi nuntii beati!
Visam te incolumem audiamque Hiberum
narrantem loca, facta, nationes,
ut mos est tuus applicansque collum
iucundum os oculosque suaviabor?
O quantum est hominum beatiorum,
quid me laetius est beatiusve?
|
|
| |
|
| |
