| Carmen 16 (in Latin by Catullus) |
|
| |
| Available in
Latin,
Albanian,
Brazilian Port.,
Chinese,
Croatian,
Dutch,
English,
Esperanto,
Finnish,
French,
German,
Hungarian,
Interlingua,
Italian,
Polish,
Rioplatense,
Scanned,
Serbian, and
Spanish. Compare two languages here.
|
|
| |
Pedicabo ego vos et irrumabo,
Aureli pathice et cinaede Furi,
qui me ex versiculis meis putastis,
quod sunt molliculi, parum pudicum.
Nam castum esse decet pium poetam
ipsum, versiculos nihil necesse est;
qui tum denique habent salem ac leporem,
si sunt molliculi ac parum pudici,
et quod pruriat incitare possunt,
non dico pueris, sed his pilosis
qui duros nequeunt movere lumbos.
Vos, quod milia multa basiorum
legistis, male me marem putatis?
Pedicabo ego vos et irrumabo.
|
|
| |
|
| |
