sī quīcquām mūtīs grātum āccēptūmquĕ sĕpūlcrīs
āccĭdĕre ā nōstrō Cāluĕ dŏlōrĕ pŏtĕst.
quō dēsīdĕrĭō uĕtĕrēs rĕnŏuāmŭs ămōrēs
ātque ōlīm mīssās flēmŭs ămīcĭtĭās.
cērtē nōn tāntō mōrs īmmātūră dŏlōrĕ est
Quīntĭlĭaē quāntūm gaūdĕt ămōrĕ tŭō.

Si quicquam mutis gratum acceptumve sepulcris
accidere a nostro, Calve, dolore potest,
quo desiderio veteres renovamus amores
atque olim missas flemus amicitias,
certe non tanto mors immatura dolori est
Quintiliae, quantum gaudet amore tuo.