Ămĕānă pŭēllă dēfŭtūtă
tōtă mīlĭă mē dĕcēm pŏpōscĭt.
īstă tūrpĭcŭlō pŭēllă nāsō.
dēcōctōrĭs ămīcă Fōrmĭānă.
prŏpīnquī quĭbŭs ēst pŭēllă cūraē.
ămīcōs mĕdĭcōsquĕ cōnuŏcātĕ.
nōn ēst sānă pŭēllă. nēc rŏgārĕ
quālīs sīt sŏlĕt aēs ĭmāgĭnōsŭm.

Ameana puella defututa
tota milia me decem poposcit,
ista turpiculo puella naso,
decoctoris amica Formiani.
Propinqui, quibus est puella curae,
amicos medicosque convocate:
non est sana puella, nec rogare
qualis sit solet aes imaginosum.