ānnālēs Vŏlŭsī. căcātă cārtă.
uōtūm sōluĭtĕ prō mĕā pŭēllā.
nām sānctaē Vĕnĕrī Cŭpīdĭnīquĕ
uōuīt sī sĭbĭ rēstĭtūtŭs ēssĕm
dēsīssēmquĕ trŭcēs uĭbrāre ĭāmbōs
ēlēctīssĭmă pēssĭmī pŏētaē
scrīptă tārdĭpĕdī dĕō dătūrăm
īnfēlīcĭbŭs ūstŭlāndă līgnīs.
ēt haēc pēssĭmă sē pŭēllă uīdĭt
iŏcōsē lĕpĭdē uŏuērĕ dīuīs.
nūnc ō caērŭlĕō crĕātă pōntō.
quaē sānctum Īdălĭūm chŭtrōsque ăpērtōs.
quaēque Āncōnă Cnĭdūmque hărūndĭnōsăm.
cōlīs quaēque Ămăthūntă. quaēquĕ Gōlgōs.
quaēquĕ Dūrrăchĭum Hādrĭaē tăbērnăm.
āccēptūm făcĕ rēddĭtūmquĕ uōtŭm
sī nōn īnlĕpĭdūm nĕque īnuĕnūstŭm est.
āt uōs īntĕrĕā uĕnīte ĭn īgnĕm.
plēnī rūrĭs ĕt īnfăcētĭārŭm.
ānnālēs Vŏlŭsī. căcātă cārtă.

Annales Volusi, cacata carta,
votum solvite pro mea puella.
Nam sanctae Veneri Cupidinque
vovit, si sibi restitutus essem
dessemque truces vibrare iambos,
electissima pessimi poetae
scripta tardipedi deo daturam
infelicibus ustulanda lignis.
Et hoc pessima se puella vidit
iocose lepide vovere divis.
Nunc o caeruleo creata ponto,
quae sanctum Idalium Uriosque apertos
quaeque Ancona Cnidumque harundinosam
colis quaeque Amanthunta quaeque Golgos
quaeque Durrachium Hadriae tabernum,
acceptum face redditumque votum,
si non illepidum neque invenustum est.
At vos interea venite in ignem,
pleni ruris et infacetiarum
annales Volusi, cacata carta.